بقلم الشاعر
..........



جمال زياد
........


........ نداء الثوره.......

الزمان مش من بعيد
كان ميدان سكة حديد
ثوره جايه في كل شارع
بالهتاف شايله الجريد
كل واحد قال حقوقي
واحنا مش حبة عبيد
دا احنا شعب وليه حضاره
نجم فوق ديما بقيد
مش هافيه لأي حاكم
أو دماغه يكون عنيد
أو يفكر يوم بجهله
انه يورثها لحفيد
مصر مش لعبه بتاخد ها
وان عندك يوم يزيد
أو فضولك يوم يخونك
من قريب أو بعيد
أن ممكن يوم نسامح
أو يضيع حق الوليد
نبقى طوعك تحت امرك
وانت ريسنا الوحيد
وانت تامر فينا تنهي
في الحياه تقدر تعيد
بردوا ممكن يوم ترجع
ال راح وبايه يفيد
أو تقول العمر لسه
فيه حياه جايبه الجديد
لا خلاص مالينا منك
بكره حيجيلنا الشديد
ال حيجيب حق بلدي
والحياه تبقالنا عيد
كنت قاعد طول حياتك
في القصور زي البليد
مش شاغلها بهم وطنك
أو يكون فكرك رشيد
والنهارده جاي تقولي
اننا كرهنا النشيد
..........................
كلماتي جمال زياد