بقلم الشاعر
..........


جمال زياد
...........


........ بطل الحدود........

مين ال واقف على الحدود
شال سلاح والنوم جفاه
قصده يحمي أرض سينا
من الحدود حتى القناه
جوا قلبه كتير محبه
صرح ساكن فيه بناه
والإيمان بات جوا قلبه
عشق دايم للاله
في الصلاه يسجد لربه
والشيطان سايبه ونساه
والفؤاد فيه حب دايم
جوا قلبه كتير خفاه
حلمه سينا عروسه
يوم فرحها يكون غناه
وعد منه يكون حبيبها
لحن سطر على الشفاه
بس بين لحظه وثانيه
فكره شت وعقله تاه
لم جاله زميله يجري
والرصاص جاي من وراه
كان رصاص الغدر اسود
كلب داعش جه رماه
والبارود في الجسم عدا
من الآلام يصرخ باااااه
من الصراخ تنزف ضلوعه
في الجبل يسقط حشاه
كان شهادته الله أكبر
راح لربه خلاص ناداه
كان مناه الحلم يبقى
جنه شافها في منتهاه
ساب وصيه لصاحبه قالها
وسط سينا يكون عزاه