بقلم الأديب .....برجس ركاب
☆☆☆☆☆☆☆☆☆☆☆



 يا اجمل ورود الدني
              كلك عبق وعطور
الك النسيم بينحني
            ولجنينتك بيزور

 انت النغم والترغلي
       انت اللي صوتك شو حلي
 انت عالقلب بتدخلي
                لااذن ولا دستور

 انت الحقيقة والكمال
          ومتوجة بدنيا الجمال
وبتوقدي شعلة آمال
          وبتنوري الديجور

 انتي ياقدسي وجنتي
           وللصلاة انت قبلتي
 وفيك بتكمل فرحتي
            فيك هنا  وسرور

انت مشاعل عالدرب
          وانتي المنى للي يحب
 جاييكي لو دربك صعب
           او كنتي داخل صور

 يامدللة وست الغوى
        ورمانك بضني استوى
 لاتزيدي بقلبي الجوى
         ولا بخاطري لكسور

وسلامتكن/بقلمي"برجس ركاب "