بقلم الشاعر. ......عماد شكري حجازى
..............


....انا ميت مش هعيش....

قالت هتيجى واللا خدت ع البعاد
 قولت قلبى من قسوتك غاب وتاب
قالت كان ميعادنا ساعة عصارى
عند نفس الشجره أوراقها
 لسه خضره مستنياك
وهمس الحوار
خريرسابح فى أجواء المكان
هيا دموعى ماكفتكش
لهفه وشوق وحيره وأمل
هو صبرى اللى لسه حافر
 فى ضلوعى أمل محسيتهوش
هو نفسي اللى طالع نازل أنين
 ورغبة سنين مارحمتهوش
مافكركش باللى راح
والأهات الجراح والسما اللى هربت
ليها نظرات العيون تترجى فيك
وعد الرجوع يمكن انا ما استهلهوش
 هو خوفى عليك ده ذنب
ولا ضمة ايدى لايدك قيد
وحمل اد كده بقيت عذاب
بالنسبه ليك انا غلطت فى إيه
بالله عليك
اخلاصى ما عشتهوش
 ودمك بشريانى ماصنتهوش
 حلمك بين عيونى
 من قلبى مارويتهوش
 دا انت كنت صراخى وصمتى
 وأملى وهمسي
وسطرى وحرفى
كتبت فيك امبارح
واليوم وبكره
وخلودى بالزمان
وتقديس المكان
ركن ابتسامتك
نظرة عينيك لماية النيل
فى الليل حوار
قصر خيالك وسكنى الوديع
لما كنت بضيع كان جنونك
يسرح جوايا إختراق
لحظات عناق
رفض تجنى العبيد
علينا بالفراق
كان الشوق بيترجاك
دلوقتى ليه صعب اللقاء
انا نفس الأنا مستويه وعفيه
زى ما أنا ضميرى سلسال وطوق
عهد ليك مش ناسيك
وعشقى دايما بيتوضا قبل لقاك
عذبتى قلبى ليه معاك
يمكن خلاص الصفحه
كانت أخر واحده بالكراس
وانت مليت الكتابه ياإبن الناس
........
رديت تنهيده حبت صمت يمكن ضعف
قولت ...أنا بطلت اكتب بالقلم أصبحت
انا والألم صديق وديوان الحزن بحره
غريق ماتسبحيش انا خلاص ميت
ميت انا خلاص مش هعيش
   بقلمى....عماد شكرى حجازى