بقلم الشاعر. .......عبدالله السايح
................

،،،،،،،،،(الحب بسيط)،،،،،،،،
كله ملخبط ع اللخابيط
قلب اختار والتاني عبيط
قلب انهار والتاني قليط
قلب بيعشق قلب حويط
كله بيجري ومش مظبوطة
دنيا غريبه ورمت الفوطة
كان الحب يادوب حدوته
وكله بيرسم بالشخابيط
اللي تحبها تيجي مشغوله
ويبقى حبيبها مالوش في الصوره
تجري وراها وهي بتجري ورا المقطوره
رغم ياناس الحب بسيط
مش محتاج حتى التنشيط
بس بنحرق بعضنا بيه
اللي يحب يكيد أعاديه
واللي يمثل انه ف تيه
لا وتشوفه او تلاقيه
آخر الحب نيشانه سفيه
زي البط احتاج تزغيط
واللي يجنن كل جنوني
ان مشاكل تملى عيوني
غطت كل مكانها في كوني
كل قلوب عشاقنا تشيط
تقرا وتسمع عن حكايات
اللي تولول نزله آهات
واللي بيصرخ في زمن فات
واللي بيبكي في الروايات
واللي انتحر واللي انتحرت
لجل الحب سايبها وفات
واللي الحب عامل لها سيط
نفس في واحد كان مرتاح
حب الحب بدون جراح
نفسي ألاقيه لو كان سفاح
علشان قلبه عمل أفراح
نفسي في واحد يعطيني خيط
قسمي بربي الحب بسيط
محتاج تعطي بدون حساب
محتاج تدخل م الأبواب
محتاج وعد ماهوش كذاب
يعني تحب بدون أنياب
تقدم نفسك لو في الغيط
..........(شعر)............
عبد الله السايح
..........