بقلم الشاعر. ....وحيد أحمد ابراهيم
......  


اجيب منين زيتون
والشجر اصلا مش طارح
أتغير حتى فى اللون
والعطش فى جذوره سارح
العدو متربص له عيون
محتل كل المطارح
هنجبله ميه منين
مستنى المطر بيقاوح
حتى الاهل عطشاتين
الميه خلصت من الصفايح
فى القدس صلوا من زمان
رحت لقيته قفل البيبان
جنود يهود جواه
مانعين كل اللي رايح
والعرض يغتصب والارض تتنهب
وضاع احترام الجوارح
والعرب واقفه تتفرج
والعدو فى اخواتهم طايح
اللي من مدرسته محروم
واللي اتقتل ودمه سايح
مهزله بتحصل كل يوم
تكمل اللي حصل أمبارح
والقضيه رايحه فى النوم
متتظره لسه اللوايح
وكله كﻻم فى كﻻم
والحل مش باينله مﻻمح
منتظرين فارس لفلسطين.
يكون تقى وقلبه صالح
يكون زى صﻻح الدين
مالوش مع اليهود مصالح
-------