بقلم الشاعر
.........
عبدالله السايح
............
،،،،،،،(أجمل مافينا)،،،،،،
أجمل مافينا الوطن
بلونه وبنندهن
عشانه جبنا الكفن
في ترابه وهنندفن
طول الحياة طوعه
مرسوم على جبيني
من عيني ولعيني
سكن محبيني
أناديله يحميني
من ناس ومخدوعه
من كل نوع الفتن
ومهما كان الشجن
او طال عليه المحن
أنا قلبه وضلوعه
ياراية مرفوعه
ليه بس موجوعه
من ناس ومدفوعة
عايشين في ينبوعه
حاصدين ومن خيره
من كل شئ جاله
يتدفوا من شاله
وبيرفضوا مشاله
بقوا همه أحماله
من بعد إهماله
ويعيشوا في ربوعه
ياام العيون والمال
لو بختك في لحظة ومال
وراك عزم رجال
مافهمش قلنا وقال
بالعشق مصبوغة
منك حنان شاربين
فيك الامان عايشين
لو حتى مختلفين
وف الزحام تايهين
وقت المحن هنكون
إيد واحدة في التوهه
والايد بتبقى في ايد
والدم فينا شهيد
الكل فيك وريد
كبير وحتى وليد
ومهما هيجوعوا
فجرك ياغاليه وجاي
مهما الوجع في الناي
مهما الزمن نساي
شمسك وفيها الحي
وربيعها في ضلوعه
فيها الجمال ألوان
حقيقي مش بدهان
كل اللي منك بان
بالخير ومطبوعه
،،،،،،،،،،(شعر)،،،،،،،،،،
عبد الله السايح
تعليقات
إرسال تعليق