بقلم الشاعر
...........

عبدالله السايح
..............


،،،،،،،،(قلبي حروف)،،،،،،،،،،
مهماكتبت وقلت حروف
عايشه تملي في عيني تشوف
كل الحب في قلبي لقلبك
عايشه معايه في أي ظروف
انا حبيت الدنيا عشانك
قلبي وكان مليان بإيمانك
مهما بعدتي عايشه مكاني
وأنا وف بعدك احس حنانك
حلمي تكوني عروسه تلوف
وانا بإيديه ألف الطرحه
وأدعي حبايبك لجل الفرحه
عايشه تملي ياروحي مسامحه
وردة عاشق أو موصوف
فكره ياروحي وايدي في إيدك
نجري ونحلم والكون عيدك
عايشه في دمي واعيش في وريدك
كل الدنيا علينا تطوف
كنا بنجري وروحنا سعيده
ديما نحلم دنيا جديده
عمر نعيشه ودنيا مديده
حب نعيشه مافهش كسوف
من سنتين وكان لقيانا
حاسين طول العمر معانا
كانت الضحكة تطلع منك
ترسم عشق مايعرف خوف
هاتي ايديك وإلمسي إيدي
إغسلي كل هموم في وريدي
إزرعي ضحكه كمان وتعيدي
واروي الأرض يااحلى شادوف
لما الهوى بيلاعب شعرك
وانا بجنوني ازيد في مشاعرك
نملا الكاس من فرحي وفرحك
نشرب سوا على دق دفوف
ولما بنزعل لحظه نصالح
لا بنتعاتب ولا بنجارح
نحضن فينا الحب السارح
واسرع من بعضنا نتسامح
مركب حبنا بالمعروف
احنا إتنين ع الحب  إتوعدوا
احنا حبايب بكره وبعده
فكره كتبنا بدمنا عهده
يعني فراقنا بعيد محذوف
واحنا اتنين بالقلب نعيش
يعني هنبعد شئ مايجيش
الروح عايشه في جسد واحد
من فرحتنا العين بتشوف
وانت العين والرحمه ياقلبي
انت العمر وقلبي وحبي
م الحنية صنعت انا دربي
قلبي إختارك وسط ألوف
وديما رافع ايدي لربي
قلبك ديما يفضل جانبي
تبقي قصيدة وقلبي حروف
،،،،،،،،،،،،،،،،(شعر)،،،،،،،،،،،،،،،،،
      عبد الله السايح