بقلم الشاعر
............


مسعد الرواش
..............


ياريت الحب كلمه كانت تبقى سهله
لكن أحساس وشعور لقلوب وعيه
الحب مش ليله نعيشها وشهور
الحب عشق روح يدخل على القلب السرور
مش رساله أو رنه أوباقة زهور
الحب يعنى دمك هو دمى
تبقى حبيبتى وصديقتى وأختى وأمى
بحر حنان مالوش نهايه
الفكر واحد والهدف والغايه
يعنى لما أشكى وأبكى
وأبوح لكى واحكى
تنزل دموعك قبل دموعى
ان غبت لحظه عنك تشتاقى لرجوعى
لما الدنيا تشيلنى من همومها
لما نور الشمس يغيب ساعة غيومها
أسمع ضحكتك ترن ولها صوت
وقلبك يحن يخلى الألم يموت
تروح أحزانى وقلبى يرجع ورقة توت
أخضر عليه ندى ينطق بعد السكوت
علشان كده باحلم وماشى فى طريقى أدور
يمكن ألاقى اللى بافكر فيه وأتصور
حلمى يعنى طريقى بعد الضلمه ينور
مش ابص للأيام ولا للسنين
ولا افكر فى اللى جرحنى مين ولا مين
أنا عاشق للحياه وجويا حنين
وعارف ومتأكد كله مكتوب على الجبين
لسه قلبى فيه نبض الحياه
والسعاده مش بالعز والجاه
بقلب يحس بك وقت الشده تلقاه
يكون عشقه خالص لله
ساعتها يبقى لقيت طوق النجاه

كلمات الشاعر مسعد رواش ( طوق النجاه   )