بقلم الشاعر .....احمد إسماعيل
☆☆☆☆☆☆☆☆☆☆☆☆


لحظه
فى لحظه ماشوفك / احس بأمان
والمس كفوفك / وفيها الحنان
تدارى كسوفك / ياقمر الزمان
عيونك تاخدنى / لعالم غريب
تنامى فى حضنى / وسهمك يصيب
وحلم يراودنى / لأجمل حبيب
يازهره شبابى / وعمرى اللى ضاع
ياصفحه ف كتابى / حروفها خداع
ياوهمى وسرابى / فى لحظه وداع
عيونى تشوفك / كزهره ربيع
وانقش حروفك / فى قلبى الوديع
وألمس كفوفك / همومى تضيع
كأنك روايه / كتبها القدر
وطيفك معايا / فى ملىء البصر
ياقمره ف سمايا / دموعها مطر
وصمتك بيبكى / كعصفور شريد
سُكاتك بيحكى / قصيده ونشيد
ياريتك ماتشكى / ياساكنه الوريد
شعر احمد اسماعيل / شاعر العرب