بقلم الشاعر. ......سيد الحلواني
☆☆☆☆☆☆☆☆☆☆☆


سألت عن الحب
أروح أجيبه منين
قالوا في الكتب موجود
وما حد سائل فيه
قلت دا كان زمان
موجود في الشوارع
ووالله في كل بيت
شفته على لمة العيله
على الطبليه
ساعة الغدى
شفته في شاب
قام علشان يجلس
مكانه راجل في
السن كبير
راجل فقير
مش علشان مدير
وكمان أنا شفته
مع البهايم
في الغيط
وفجأه اختفى بنا
واتعلق برواز
على الحيط
وكمان عملوه
قلوب وسلسله
متعلقه بخيط
وشالوه من قلوبهم
ورموه جنب الحيط
وبقى الحب بنا
مصلحه
تحكيه الناس وهي
على البيت مروحه
حكاوي من حكاوي
زمان
وعملوه أغاني
وبيتباع كاسيت
في الدكان
وكمان ياريته في الغنى
نضيف
أو حتى حب
عفيف
دا هيصه ودربكه
وآخر سهوكه
وفرغوه من معانيه
وما حد حاسس بيه
وأصبح ما بينا
سيره
نحكيها لعيالنا
وهو دا حالنا
من يوم ما غاب عنا
واصبح غنوه تتغنى
وأهو حب والسلام
ومن ساعتها
حالنا اتغير
وراحت أيام الحب
من زمان
قولولي الحب
أجيبه منين؟؟؟؟
*******
زجل /سيد الحلواني