بقلم الشاعر .......عبدالله السايح
☆☆☆☆☆☆☆☆☆☆☆☆


،،،،،،،(الخيانة)،،،،،،،،،
الخيانة في كل حته
 رسمتها كل عين
والموبايل في الجاكته
بيه تخون لو حتى مين
محتاجين ياناس روشته
تحي قلب العاشقين
كل واحد عنده حته
يعني قول حتتين
لو هنعدل يبقو سته
وبقلوبهم مرتاحين
كل واحد يبقى جته
في القناع ماتقولش مين
كل وش تشوفه بفته
والحقيقة مفيش حنين
كل واحد جانبه يفطه
قلب في همومه دفين
محتاج لقب أبيض وقشطه
وهو من جواه كهين
قلب محتاج لماشطه
لعب داير كل حين
القلوب على بعض نشطه
كله بيلعب ع  الهجين
والضمير محتاج لواسطه
في الضماير  محتارين
من غير ضمير عايش أليسطه
فرحان بيظلم محتاجين
ظلمت الحب يااوسطه
والحب كرهاه السنين
كله في الحب أونطه
كل واحد خاد يومين
في الخيال عشاق بشنطه
والحقيقة كله دين
مرة تلقى الحب شطه
مرة تانية مش آمين
في الضلوع الناس دي حطه
أي صخرة تقول آمين
الخيانة في لحظة نطه
والقلوب صابها الأنين
والجروح في الكل شبطه
وكل واحد عاش حزين
محتاجين ياناس روشته
محتاجين لضمير متين
،،،،،،،،،(شعر)،،،،،،،،،،،
عبد الله السايح