بقلم الشاعر. .....مصطفى فريد 

☆☆☆☆☆☆☆☆☆☆☆

الإثنين الحزين

من ديوان/ سنين المخاض 

للشاعر/ مصطفى فريد 

خدت إبنى ورحت اصلى 

فجر الاثنين الحزين 

والإمام لساه بيدعى

واحنا بنردد آآآمين

ألا واسمع ابنى جنبى

يقول لى يا يابا الشيخ ياسين

اغتالوه بصاروخ أميركى

والصلا فوق الجبين .

إندهشت وقولت مين 

رد قال السفاحين 

جزارين الانبياء والمرسلين

روحت ناطق بالشهادة 

وقولت هما الخسرانين 

هما فاكرين القضية 

تنتهى باحمد ياسين 

وألا برموز المقاومة

فى رام الله أو جنين

القضيه فى كلمتين 

هى طرد الإحتلال 

والحياة مابينا تمشى 

بالمودة والحلال 

والحقوق الغايبه ترجع

مهما فاتت من سنين 

يسألوا كرومر وهتلر 

وألا شرشل والا جونتر

يسألوا حتى ستالين 

الأحتلال إللى فى زمانهم 

دام لإمتى ودام لمين