بقلم الشاعر // حامد جابر طبرة
.........


القصيده
************
شمس
********
شمس والشمس من اتغيب تغيب نجوم وياهه
امر بالسوگ. مثل الموته الگاهه
هذا انت شمس عندي....
واني المزرعه وانت التبناهه
ولو صبّن بحور الشعر سبعتهن
يريدن يوصفن روحك وطرواهه
يگصرن مايگدرن يوفن المطلوب
سبحان الجليل شلون سوّاهه
اسف كل الاسف يا وكت يا بذّات
ما ٲمد ايدي الك....... انه اسبگ اجداهه  
على ظهر المهر وانه اركض اجداهه
اهي دنيا اسكرت دوّخهه ذاك الصوب
والصوب النسكنه مزامط وياهه
زمن.......  
اخذ كل حزام اتفگه للكلفات
وخلّه هالرعيع الغنم .....  
ﭴماله النوب علّاهه
متوهّم زمنّه يغالي بالزبلان
معقوله الحﭴي مگلوب سوّاهه
لعد وينه علي ﭴان وين زينب غاد
حﭴت يمّك يزيد وهيه من طه
عجب كل العجب ياحيف ماردّيت
موش انت الامير شسفيان خلّاهه
حﭴت كل الكتب عن علي واهل البيت
لٲن سوى السمه والارض لاجلاهه
ــــــــــــــالاستاذ
حامد جابر طبره/ العراق