بقلم الشاعر // جمال سعد
..........


لسه الجرح

لسه الجرح في قلبي بينزف
لوم وعتاب كنت انت الجاني
فيا زرعتك ورده لقلبي
شجره تضلل علي بستاني
كنت اسقيك من بحري وتشرب
فيا تزيد همي واحزاني
فجأه لقيتك تبعد عني
وتزيد دمعي معاه اشجاني
عني تغيب بشهور ماتفكر
قصدك تبعد يوم تنساني
قلبي عليك مشغول وبيصرخ
وانت بتقتل فيه من تاني
عمرك يوم ما حاولت تصالحه
ولاجيت مره تقول حساني
قصدك بس تروح وتسيبني
ونعيش عمري ما بين حرماني
ياما جرحت وكنت بسامحك
ظلمك ليا كتير بكاني
كنت بقول معزور وصغير
يمكن لسه يدوب عرفاني
سيبه خلاص يمكن يرجعلك
يطفئ النار اللي في بركاني
بس لقيتك عني بتبعد
ناسي قوام عطفي واحساني
قاصد فيا تموت قلبي
جاي ومعاك شايل اكفاني

.......... ................