بقلم الشاعر. .....عبدالله السايح
.........

،،،،،،،،،،،(  الموضــــة  )،،،،،،،،،،،،
حاجة غريبة حاجة عجيبه
حاجة تخلى العقل يطق
حتى الموت يابلدنا في خيبة
اصبح موضة وماتقول لأ
قصة حب تعدي كئيبة
فتحت للشيطان ميت شق
بعد غياب الدين والتوبة
حبة غٍلّه تعدي البق
بعض شباب يجروا  ورا العيبه
يفتي بإنه في موته الحق
وبنات كانوا ولاد  لعيبه
منتحرين بقلوب ماترق
شوفت اليوم اعداد مكتوبة
ست بنات ع الموت بتدب
منتحرين وبفرحة غريبة
ولما سألت قالولي الحب
لما حبيبها ورفضه الشيبه
مدعوم رايه براي الاب
والأسباب بتعبي ذكيبة
كان أولها مايعرف رب
مسطول راح ابن الحبيبه
يطلب إيدها لسانه يسب
رفضه الاب ونصحة بطيبه
لكن بنته انتحرت غلب
لما الشاب توقفوا  عيبه
في الاحباط علطول بيطب
ثانية تروح العين تغريبة
لما بإيده انتحر الشاب
بقى  للموت مليون ترحيبه
قبل مايُعْبُر أي مطب
روحه تهون أحلامه تسيبه
لجل إيمانه بربه ماحب
أول لما تقابله نصيبة
يجري ف طُرق الموت ويشب
حتى الموت من باب الموضة
كل شوية يذيد ويقب
،،،،،،،،،،،،،(شعر)،،،،،،،،،،،،،،ر
    عبدالله السايح