بقلم الشاعر. ...أحمد عبدالحق
.... .....

هي ايه
هي لوحه من ازاز
ولا حاله عشق فيا
عن جدارة وبامتياز
هي ايه نور وعاش
جوه السواد
ولا صوت ملايكي
شق البلاده والسكات
هي ايه
يوم وكنت بحلم بطيفه
ولا هي عمرى تاني
ولا يمكن عمري وعاد
لمسه هي
همسه يمكن
نسمه ممكن
حضن الشفايف لما تعشق
حضن القلوب
والله خايف لمااعشق
اعشق فيك كل القلوب
هي ايه
تبقي ايه
هي أرق حد عاش
جوه المشاعر
هي انقي روح وعاشت
جوه الضماير
طول عمري ياحبيبتي وانا
طيروطاير
حلم وعاش كل القلوب
بس حاير
من كتر همي ويا حلمي
عشت طول عمري في دواير
كنت عايشها بطول
ولما ازهق اعيشهاعرض
والله ماكانت بتفرق
فوق في السما
اوتحت ارض
كنت حاسبها بميعاد
ساعه ببلاش
ومره تانيه جايزه ببلاش
ويمكن كمان عليها عرض
في لحظه جيتي حبتيني
غيرتي كل حاجه فيا
خليت حبي ليك فرض
ملكت روحي وباقتدار
ولما اغلط
علمتيني يعني ايه
ممكن بورده الاعتذار
علمتيني معني المشاعر
ويعني ايه انك تعيش
جنه من غير نار
فهمتيني معني الحياه
وأنك تعيش الحياه
وأنك تكون رغم احزانك
طير وحابب غناه
انك تدوق طعم العسل
رغم المرار
انك بدل ماكانوابيقرروك
تاخد قرار
احمد عبد الحق