بقلم الشاعر
...........


عبدالله السائح
.............


،،،،،،،،،(قلوب أموات)،،،،،،،،
تعبني قلبي من يومه
يوماتي ألم أنا همومه
سفينة نوح مابتكفي
وجعي حتى في نومه
ألم حروفي وأرسمها
لكن بتضيع معالمها
ويبقى اللي بيلومها
بقلبي ونفس مرسومي
وتنزل دمعة ورا دمعه
وآهه عامله مش سامعه
تطفي البسمة ميت شمعه
وحلمي يبكي في نومي
ومن دمعي صبح أنهار
سفينة همي دوم تحتار
لامرسى فتح مرساة
ولا راحة كانت لي مذار
ولا قادر اعيش كوني
زمن الحب ولى وفات
زمن النظرة كل لغات
برسمة شوق وحنية
تلف الشمس في المدارات
قلوب بالحب محمية
غرام مافهش خد أو هات
بتوب الحب مدارية
ومهما تبعد المسافات
قلوب موجوده ووفية
في دنيا كلها حكايات
دنيا قاسية وعافية
بتتحرك على ملزات
تروس الحب مخفية
وفيها الحب بالمقاسات
قلوب في الشوق موارية
وتتمثل فيها الهمسات
مصالح شوق معديه
ودفة تحرك الغمزات
قلوب في الجيب مخاويه
تروح ترجع في بضع ساعات
وصبح الحب بالنية
وضغط الحب بالدولارات
زمان العشق عبوديه
وتفتح في العيون أزمات
آهات على عشق بنية
بحد رمشها حكايات
وجرح بنظرة مرمية
وقلب دقته دمعات
وتحت نجومه محمية
وحلم يطول بكل لغات
تحت الشمس معمية
عيونه في إنتظارها ماجات
يمين في شمال مهدية
وشافها من فرحته في ثبات
بصوته كلمة إلاهية
يكبر لحد مافات
زمان عشقة رومانسية
ودي الوقتي غرام قبلات
غرام القصد تسلية
سريع ونهايته بالنزوات
قلوب تبدأ ملاغية
ساعات والحب في الحكايات
وتبعد بس مرْضِيَة
ولا تبكي على شئ فات
قلوب يخسارة مَرَضِيَة
بتتحرك لكن أموات
،،،،،،،،،،،،،،(شعر)،،،،،،،،،،،،،،،،،
    عبد الله السايح