بقلم الشاعر
..........


مسعد رواش
............


ساعة صبحيه بأشوفك ماشيه فى الطريق
عينيه تلمح عينك فيه سحر وبريق
نفسى أصبح عليكى وأتعرف وتبقى لقلبى صديق
أخاف أكلم وأكتم فى قلبى حبى وشوق لكى حريق
وأقول فى نفسى يمكن تتغير الظروف
تجمعنا صدفه وتحس بقلبى العطوف
وتعرف انى مولع به وشغوف
وأحلم وأنا كل أشتياق وملهوف
وتطلع الشمس كل أصرار أقهر الخوف
وأقول يارب عشقها دوايا الموصوف
هى بحر المحبه اللى تروى عطش السنين
هى البلسم لكل جرح وأنين
البسمه اللى غابت بتعود فى لحن له رنين
ياريت تبقى النصيب المكتوب على الجبين
أنا باسعى فى حياتى ليل ونهار
باحاول أهدم بينى وبينها أى جدار
هى اللى معاها السعاده والأستقرار
هى الورده الجميله بين كل الأزهار
صورتها قدام عينيه ما بتفارقنيش
اليوم اللى يعدى من غير مااشوفها مايساويش
حبيت الدنيا عشانها ومعاها نفسى أعيش
الأمل البسام ومصدر الألهام يارب منها ماتحرمنيش

كلمات الشاعر مسعد رواش (  ساعة صبحيه   )