بقلم الشاعر



احمد شاعر  العرب
**************

بدون الحب
بدون  الحب /  الدنيا والله ماتسوى
ونبض  القلب / لمين غير الحبيب يهوى
كلامى مش صعب / ومش لازمه كمان فتوى
بدون الحب  نتباعد   /  وهنعيشها  كما الاغراب
ويصبح  الشريف  فاسد / بدون    عله  ولا أسباب
وارواحنا    ما تتواعد   / واجسادنا  هاتبقى تراب
ويصبح  الفؤاد   جاحد   / ومشاعرنا تعيش فى عذاب
وحتى لبعض    مانساعد  / ويبقى الكون كأنه  سراب
وحضن  ألام  يبقى جحود  / وترمى  الطفل من ايدها
طريق الخير  يكون مسدود  / وتطغى    الامه على سيدها
وحتى  الملكه  مش  هاتجود /  لأن  الجود  ما  هيفيدها
ياكاره    الحب ما تقولى     / بدون الحب والله نضيع
وشوف  الورد من حولى     / تعالى نعيش فى جو ربيع
على ضفافى وعلى جداولى    /ولون   الحب   والله بديع
ياروح  العاشقين    زاولى     / تلاقوا ألحب جميل ومطيع
شعر احمد اسماعيل / شاعر العرب