بقلم الشاعر



عبدالله السايح

،،،،،،،،،(السماح)،،،،،،،،،،،،
نفسي أكتب فيك يااما
نفسي أقول كل الكلام
في الوجود انت لامه
نظرتك رضا وابتسام
فاكرة لما كنت لما
تزعلي من غير ملام
تطبطبي على صدري إما
تقولي ناقص في العلام
من يوم ولادتي وانت هامه
وحبل سري كان وئام
وإنفصلنا وانت نايمه
واتبدل مكان الحنان
على صدرك وانت ضامه
الجنين تسقيه أمان
بين ايديك وانت شامه
حته منك كان وسام
والايام مرت بسرعة
والجنين ع الارض عام
وتاته تاته فرحة عامه
ع البلاطه كان وقام
واحد اتنين تلاته
الكبير شال اللجام
كبر وبقت حياته
فرحه صاحية او منام
وانت عايشه ولأهاته
تدعي ربه يكون سلام
بس يااما في حكاياته
ضعت منه في الزحام
عاش يحقك بس ذاته
وانتهى عنده الغرام
وابتدت عنده حكاياته
واتنسى منه الحنان
عدى عمره زي ريحه
بس عدى للأمام
لحظة كان فيها صريحة
إفتكر أيام زمان
الدموع نزلت طريحة
والندم فجر رخام
افتكر امه الذبيحة
المريضه منذ عام
راح ويجري فِكْرُه ميحة
يفتكر كل اللي كان
يفتكر لمسة إيديك
يفتكر ليه بس هان
وانت كنت في واديك
تعطي ماتسأل بكام
تصحي ليلك وف عنيك
حب يكفي ألف عام
بإبتسامه من ماضيك
شمسه طلعت للأمام
في الحياة رافعة إديك
تطلبي له الدوام
تتعبي ماتقول بفيك
كل همك راحته تبقى في العوام
يوم تعبتي ومنك فيك
يوم وتحتاجي السلام
افتكر تعبك نداكي
بس بعد سنين وعام
يجري يطلب يوم رضاك
بس كان فات الأوان
كنت موتي وضِعْت فيك
مالتقيت غير الرُكام
السماح منك عليك
رحمه ياست القوام
عند قبرك يوم ناداكي
حني يااما ع الغلام
بعدك انت فين حياتي
بعد منك الهوان
انت عمرك ماازيتي
بعد موتك تاه قوام
السماح ياما ناديتي
باطلبه نهاية الكلام
عارف انك ماأسيتي
والأسى مالي الكيان
،،،،،،، ،(،شعر)،،،،،،،،،
عبد الله السايح