بقلم الشاعر



 عبدالله السايح




،،،،،،، (وقف التاريخ )،،،،،،،،
وقف التاريخ بالهموم
ماقدرش يرفعها
من كام سنه مافي نوم
وكتافه ماتساعها
الفكر كله سموم
ع الامة يوجعها
كئيب يناجي محروم
ويقول له وسعها
ولئيم ولئمه يدوم
ذود في اوجاعها
م الجهل مافي علوم
ياامة مين باعها
ممكن تلاقي في يوم
امة تزرعها
او بيت يلمك دوم
او روح تعيش معها
ياامة المليار
مش كنا في دراعها
الفكر جاله دوار
والكل يخدعها
والثعلب المكار
عايش يفرعها
فروع صغيره وعار
ومين هيمنعها
الديب عارف له مسار
الطُرته وزعها
على كل قط وفار
بسلاحة قطعها
الديب صبح له منار
بقى للكتير صاعها
ياامة صبح العار
كل اوجاعها
ع الطبل والمزمار
بقى كل أوضاعها
كل الشعوب تستجار
ومين بيسمعها
الدم اصبح تار
والقتل بقى شراعها
والدين بقى مسمار
في سفينة قطعها
مع جهله عاشقة دمار
والجهل يوم باعها
،،،،،،،، (شعر )،،،،،،،،،،
عبد الله السايح