بقلم الشاعر


  عبدالله السايح



،،،،،،،(المصري)،،،،،،،،
الليل سلم لشروق
من نومي اتمنى افوق
اتمنى لو أطلع فوق
ماانا مصري فرعوني أصيل
طول عمري بتاجر في الذوق
والعلم تملي كان طوق
اتمنى اصحى وأروق
من تاني زرعتي ماتميل
انا ارضي من طمي النيل
وسايبها تطرح لي نجيل
نفسي أزرع فيها القرآن
نفسي ازرع فيها الانجيل
نفسي أحلم والحلم يبان
يترتل حلمي بتراتيل
نفسي أثبت ان انا إنسان
في الارض اصبح قنديل
لبه اقبل إني أتهان
والصبر يادوب في المواويل
أنا مصري والقلب إيمان
ولاعمري في يوم كنت بخيل
نفسي اعمل من حرفي بيان
المصري بيسابق الليل
وهيوصل للفجر ان بان
 وهيسبق من غير مزامير
أهرامي كاملة الأركان
بعلومها كان ألف دليل
المصري طول عمره نيشان
عطاء وماكانش عويل
والقلب مغزول بحنان
والحب ديما له مصير
لو نرجع بزمان كداب
ماهتلقى للمصري بديل
المصري ديما حباب
ويشيل لو أي عليل
وبيوته مفتوحة الباب
كان يكرم لو حتى أسير
،،،،،،،،،،(شعر)،،،،،،،،،
عبد الله السايح