بقلم الشاعر. .......عبدالله السايح
☆☆☆☆☆☆☆☆☆☆☆☆

،،،،،،،،( مين لخبط الموازين )،،،،،،،،،
قول ياقلم واحكي
واكتب بدمع العين
واسأل على حقي
راح فين واخدوه فين
أرضي ومش ملكي
سرقوها عين في العين
سنين باعوا شكي
والدم في الكفين
قتلوا في يوم أمي
وابني فقد رجلين
سنين داسوا لحمي
واتقسمو الاخين
حمصي أنا واحمي
سوريا بقلب حزين
سنين وناس تحمي
فيك بإسم الدين
وكتير وكان منفي
من شدة السكاكين
أمريكا جات تشفي
قال تحمي في المساكين
سنين وهي تحفي
وتسلح الملاعين
جات بالسلاح تمشي
ولليهود بتعين
بعد العراق تفشي
راية السلام وتعين
لجل الجيوب تحشي
أموال لشعب حزين
من دمنا ترشي
فرنسا وبقرشين
باعوا خلاص عرشي
والانجليز عارفين
اتجمعوا ف فرشي
تعابين كتير آسين
علشان شافوا  قرشي
يمكن يزيد دولارين
خافوا  على كرشي
قالوا  هياخدوا  العين
تُركي شمال يمشي
قال ايه بيحمي الدين
والباقي على رمشي
ضاع الوطن في الطين
ياعيون مابتنامشي
سوريا ورايحة لفين
في حروب ماتخلصي
مين مُخْلِصينك مين
قالوا راح مايرجعشي
لكن بالتاريخ راجعين
صبح إحتلال يفشي
وسط العرب باقيين
سابوا العراق تمشي
وليبيا في الطواحين
ويمن ماتحلمشي
وسوريا في ألف كمين
موازين ومعكوسه
مين حضَّر الموازين
دول وبالكوسة
بيصنعوا القوانين
ياأمه موكوسه
أراضيكوا مش راضيين
ضحكوا عليكوا الغرب
وعقولكوا مش فاهمين
إكتاحوا كل السرب
من فرقة في المفاهيم
قال إيه  وجب الضرب
بثلاثي في  المساكين
إصحوا ياكل العُرب
م الفرقة ضعف مهين
ياإما ضرب ف  بعض
أو غرب ضرب بِدين
يعني فاتورة الغرب
مدفوعة بالبنزين
للقتل أصبح حزب
ومافيش عرب فاهمين
ياأمة أكل وشرب
إنسوا  البطون ساعتين
كنتوا ملوك للحرب
ضاعت الشجاعة سنين
الكل فيكم ضرب
وياريت تشوف العين
،،،،،،،،،،،(شعر)،،،،،،،،،
   عبدالله السايح