بقلم الشاعر ......جبار الشمري
☆☆☆☆☆☆☆☆☆☆☆


خاصميني لو شفت غيرج حبيبة
انتي من اللة الگلب وانتي نصيبة
اشبية احبن غيرج امسودن صرت                            
وانة روحي بغيرج مغربة وغريبة                  
حاسبيني لو دريتي بگليبي مال
يلي انتي بدنيتي جاها ومال
خلگي مدهور وتنشديني ومال
حطي ايدج عل الألم يعرف طبيبة              
ارحميني لا تخليني بالوحدة انذبح
انة ما اتحمل الوخزة انوب انجرح
يا هواج اعذيري يمر گاعي فلح
ارضة كلشي ولا اشوفنج كئيبة                
حاكميني وقابل بحكمج مهما يكون
الشمس ما تزعل لون يزعل الكون
امرج منفذ ولج ذبيتي كون
ماكو شي مايمكن وصعبة وعجيبة
اسمحيلي ولا تشغليني بجفاج
انة احبج كلش واعشگ هواج                  
انتي يل كلج وجه حتة بگفاج
مأنقة وحلوة وجذابة ورتيبة
اعشگيني وهية تخلص ماتظل
تفرح الوردات لو بالظل تظل
احجي كل العندج السكتة ماتظل
لازم الأفراح تغلب عل نحيبة
غازليني حسنج آية
والجمال أكبر مصيبة
شيصير لو گلبج رضة
وگلبي كل الخير من حبج يصيبة
ثقي أبعد شي هم نگدر نجيبة
خاصميني وحاسبيني وارحميني
وحاكميني واسمحيلي واعشگيني
وغازليني ياسلام اللة علة روحج ياحبيبة.

جبار الشمري