بقلم الشاعر. .....احمد شاهين
☆☆☆☆☆☆☆☆☆☆☆☆


بَعْدَك اِنْتَ
ــــــــــــــــــــــــــــــــــــ
بَعْدَك اِنْتَ العِيشَه بَاخِت
وِالحَيَاه مَابَقِتْش تِفْرِق
وِالقُلُوب ايوَه الله شَاخِت
وِآه مِ المُوت لَمَّا بِيِفْرِق
بَعْدَك اِنْتَ الدُّنْيَا مُرَّه
وِالوُجُود كَإنُّه عَلْقَم
آه لَو اشُوفَك بَس مَرَّه
كُنْت عَ الدُّمُوع دِي هَرْدِم
بَعْد مِنَّك تَاه طَرِيقْنَا
كُل شِيء صَبَح كَرِيه
يَا حَبِبْنَا لِيه تِسِبْنَا
إيه بَعْد مِنَّك تَانِي فِيه
رُوحْت وِسِبْت قُلُوبْنَا دَامْعَه
رُوحْت وِفُت الدَّار حَزِين
يَا اللي كُنْت بِينَّا شَمْعَه
وِكُنْت نِن لِلعِنِين
كُنْت كُل حَاجَه حِلْوَه
كُنْت بَلْسَم لِلجِرَاح
كُنْت لِلدُّنْيَا دِي غِنْوَه
بَعْدَك اِنْتَ الوِد رَاح
بَعْدَك اِنْتَ العِيشَه غَم
وِالصُّدُور تِعْبِت أهَات
وِالعُيُون بِتِبْكِي دَم
بَعْدَك اِنْتَ الكُل مَات
ـــــــــــــــــــــــــــــــــــــــــــــــــــــــــ
في رثاء أخي رحمه الله رحمة واسعة
ـــــــــــــــــــــــــــــــــــــــــــــــــــــــــ
كلمات الشاعر أحمـد شاهين
----- مصر - أسيوط -----