بقلم الشاعر. ....سالم ابو موج
☆☆☆☆☆☆☆☆☆☆☆


.............ياغربتي................
ياغربه اسمك وجع سيرته بتألمنا
عشناكي وسط الزمن اصل الزمن
....قاسي ديما بيظلمنا..........
اصلك كمان انواع ولكل نوع غربه
.......احساس بيحرمنا.........
يخدك كدا من الروح
ويعيشك .....مدبو..ح
وف وسط كل الناس جوانا يسجنا
غربه وطن مسلوب علي قلبنا قاسيه
غربه حبايب فيك ولنفسها ناسيه
غربه نفوس حواليك ولربها عاصيه
تملي اسمك كده غربه من الكربه
خدتينا وسط البحور ف سفينه مش راسيه
لو كان غريب عن وطن
بكره الزمن يرضي ومسيره يرجعله
وان ساف هناك المحن
وبصوته قال يا وطن هيروح ويسمعله
وان تاه ف وسط الزمن
فوق ف السما ربه يسجد ويركعله
لو غربته عن حبيب
الحب غرب بشر عن نفسها اوقات
والعشق ماله طبيب
هتعيش حياتك غريب لو يوم ضميرك مات
والحب قسمه ونصيب
هتوه وتتغرب لو يوم نصببك فات
اسمع كلام الغريب لو غربته ف اهله
عايش وحيد يا زمن ولا حد يسمعني
دابت جراحي الم عماله توجعني
ماتقولي ليه يازمن كل الحبايب فيك ديما تودعني
وكل ما اشبع اسي واتجرعه بأديك
واقول خلاص اتنسي جرحي الي عشته فيك...قدرك يرجعني
اما انا يا زمان ف انا غربتي ف نفسي..تايهه ونسياني
محتاج للحظه حنان بين قسوتي وحسي رافضه وعصياني
يازمان وليك العجب وغربتك قاسيه في القلب وجعاني
متقولي امته بقي.حزنك هينساني
بقلمي....سالم ابو موج