بقلم الشاعر. .....احمد شاهين
☆☆☆☆☆☆☆☆☆☆☆☆


بَعْض الظَّن
ـــــــــــــــــــــــــــــــــــ
لَمَّا تعِيش وِالشَّك مَالِيك
وِتقَضِّي حَيَاتَك كُلَّهَا ظَن
وِتُهْجُر اِنْتَ حَبَايِب لِيك
وِمْعَبِّي مِن الأوْهَام بِالطِّن
يِبْقَى أكِيد هَتْعِيشْهَا لِوَحْدَك
يَا إمَّا تعِيش وَيَّاك الجِن
شُوفْت الظَّن أهُو ضَيَّع وِدَّك
وِخَلَّى الكُل أهُو مِنَّك أَن
لِيه مِتْمَسِّك بِالأوْهَام
لِيه مُش سَامِع أي كَلاَم
لِيه بِتْقَطَّع كُل خُيُوط
مُمْكِن لِيهَا القَلْب يْحِن
لِيه بِالشَّك تعِيش أيَّامَك
وتِبْنِي بنَفْسَك سُور وَرَا سُور
وِتِعْلاَ وتِكْبَر أوي أوْهَامَك
وِنَار الحِيْرَه حَاجْبَه النُّور
مُش كُل كَلاَم النَّاس
كَان عَنَّك أو كَان فِيك
لَو هَتْفَكَّر تِخْلِف ظَنَّك
هَتْلاَقِي بِجَد الحَق عَلِيك
صَالِح نَفْسَك صَالْحِ النَّاس
وِابْعِد يَللاَّ عِن الوِسْوَاس
لِسَّه الخِير فِي قلُوب حَوَالِيك
قُلُوب بِتْحِبَّك مِن إحْسَاس
ــــــــــــــــــــــــــــــــــــــــــ
كلمات الشاعر أحمد شاهين
----- مصر - أسيوط -----