بقلم الشاعر ......جبار الشمري
.............☆☆☆☆☆☆☆☆☆


قصيدة للغالية الله يحفظها
................................
أمي ناگة صالح بيوم الجفاف
وعصى موسى البيها أكبر معجزة
واللة لو انطيها عمري ما وفيت
ونظر عيني هم أحس لا ما جزة
طيبة أمي مو مثل باقي أمهات
وردة ما خلت غصنها يبززة
تفرح بفرحي وإذا انة رضيت
ترضة أمي وشال بيها أكبر عزة
وية نفسي مرة لو نفسي اشتهيت
تعلم بنفسي والگاها حاجزة
ابساطتها الأبد ماكو مثيل
عازة للمحتاج وذخر بينة للوزة
أمي ما تنمل أبد مثل الحياة
أحساس فنان ويحب الجائزة
أمي بس حالة الظلم ما ترضة بي
للظلم من عدنة نحسها ناشزة
أمي بيجة سطح ما ضر العليه
رافع الفوگة والجوة يعززة
هية محمل شايل اهموم الجهال
وحافظ اثياب الستر لمطرزة
بعد ما اعرف شگول بحقها جاي
إذا بعد اللة مراتب حائزة
أمي ولگطع النفس هم راح اگول
بلاية أمي البيت نايم ومحد فززة.

أ. الشاعر جبار الشمري