بقلم الشاعر
.........
سليم الغنام
.............
همهمات على وتر حزين
( بالعاميه )
..................................
ليه تظلمني
وقلبي عليك دايماً يألمني
ليه تظلمني وتأسى عليا
بعدك نار وقربك ميه
ميه بتطفى نار أشواقي
وأتذودني كتير حنيه
قلبي عليك دايماً مشغول
وأنت ظالمني وعم اتقول
دا هجرني ومش سائل فيا
اذاي وأنت ضي عنيا
وأنت الروح ونبضة قلبي
عمري ما أنسى أخلاصك ليا
فاكر لما كنت فى حضني
وعيونك سارحه في عنيا
وبتقولى وبتفضى بحبك
لازم أنت اللي تكون ليا
يومها كمان أنا بوحت بسري
أني بحبك قد الدنيا
وما في غيرك يملى عنيا
وعاهدتك على صدق كلامي
وأنا ماسك أيدك في اديا
دا أنت روحي وأنت الغالي
وفي قلبي دا مقامك عالي
وأنت الشوق والروح والقلب
وأنت البسمه اللي بتحلالي
والقمر اللي فى ليلي بلالي
من غيرك بالريح في مهب
لسه ظالمني وظالم حالي
وفاكرني من غير قلب
وأنا قلبي في هواك موجوع
وجروحي كوياها دموع
لسه ظالمني يا نبض القلب
أوعدني عليا أتفوت
وظنونك ترحل وتموت
وحنينك يرجع ويعود
وتسقيني من نبعك حب
دا أنا لسه عليك ملهوف
وماليني خجل وكسوف
ونيراني في القلب تشب
لا أنا عارف أوصفلك حالي
ولا أقولك أيه اللي جرالي
من بعدك يعلم بي الرب
أرجوك ترجع على طول
ما أتخلي الهجر يطول
دا عذابك في القلب أنصب
يالله بسرعه يا نبض القلب
مشتاقلك و مشتاق القلب
بقلمي سليم الغنام
تعليقات
إرسال تعليق