بقلم الشاعر. ...سليم الغنام
☆☆☆☆☆☆☆☆☆☆


بيقولوا النهارده للام عيد
بعتزر يا غاليه
عن قلوب ذي الحديد
عن قلوب ناكره الجميل
عن قلوب جاحده  أكيد
 كل يوم اشوفك فيه
دا أجمل عيد
عن قلوب متعرف يعني
أيه معني الامومه
يعني أيه عطف وحنان
يعني أيه عطيه من الرحمن
يابحر زاخر من العطاء
يا شمعه في ليلي تضاء
عمرى منسي حضنك الدافي
في ليلة شتاء
عمري منسى سهر الليالي
وفي  إيدك دواء
عمرى منسى دمعة عنيك
وطبطبة إديك ودعوتك ليا
بالشفاء
ايوه صحيح انا أفتقدك
بعد الرحيل
بس لسه عايش بدعوتك
وربي حاففني بخير  وفير
بدعو ربي يتغمدك برحمته
وجنته تكونلك مصير
ومهما دعيت لا يمكن اوفي
حقك ولا يمكن ارد الجميل

كل سنه وكل أم وأخت وزميله وصديقه بخير وسعاده
وكل يوم يمر عليكن يكون يوم عيد يارب
بقلم سليم الغنام