بقلم الشاعرة. ....إيمان ابو الحسن
🌟🌟🌟🌟🌟🌟🌟🌹🌹🌹

نص الجمال ف الكون بيظهر ف الملامح...
وش بيك مفتون وعاش هايم وسارح......
لطفل ف المهد ببراءته بيبتسم معرفش يعنى ايه فراق لما يبارح.....
أو حبيبتك لما تبقى طوع هواك اليومده وقبلها امبارح.....
أودعوة أمك وهى ساجده بين أيادى الله تصلى وانت بالفجر اللى صابح.......
أو صدقه مخفيه ف ملامح من كفوفك اللى مهما يعبى منها الكون فاضى المطارح.....
أو رحمه ترحم بيها حد داق طعم الشقى وكيله طافح.....
 أو وصف توصف بيه بياض القلب وطهارته لحد بالعمى يتوصف قلبه اللى ديمآ مش مسامح.....
والنص التانى ...
أكيد ربانى....
ف الظلام مهما كان لون السواد والعتمه تختفى فيه الملامح.....
انت ممكن بالبصيره توصف الروح والمراد وتقول ده ليها وهى ليه وعشانها كان الفرح طارح.....
كفة العدل بإيدين الرب توزن كل شيئ...ما تعدى الخردله....والروح ف ملك الحق سارحه...وانت وسط الكون ده سابح.....
تكتب الذكرى بعين المسأله....
ولما حد يوم يجاوب طلتك...
تضحك لحكمه...اللى بيها تتوصف....شاطر وفالح.....
ومن سنين كنت بين حالك كتير بياع مصالح.....
والسعر جاب تمن الفصال بعد الزياده ف العباده قصاد وشوش طالبين مسارح.....
بس انت رافض تشترك بالمسرحيه بعد طول الغيبه ديه...
جوه منك ألف عذر...والبدايه...روح ملاك....بتقول ياصالح......
مش كفايه الحبتين....مش تفوق للسكتين....جنه ونار...مش جنتين....أرجوك كفايه...اختار وكافح....
ده النهر باين عذب بحلاوته...والبحر مش محتاج يقولك عاللسان من ملوحته أنه مالح.....
وعجبى......
كلماتى...إيمان مبارك ابو الحسن
الشهيره ب/فريده متوكل