بقلم الشاعر. .....صبري علي
.¤¤¤¤¤¤¤¤¤¤¤¤¤¤¤¤


.......طيبة يا مّة..

هاقولها لمين,انا دلوقت.?
ومين هيضمّني لصدره.?
ومين هيحلّي مرّ الوقت?
وهيصرّ الهنا ف حجره.?
ومين هيبوسني فوق الخد?
وهيكمّل دعا ....ف سرّه?
ومين هيقول :"يا رب احميه"?
وبارك يا كريم ... عمره.
يكون ناجح ,وسيد الكل..
وترزقني كمان,....برّه.
...........................................
ياريت اقدر احلّق' طير..
فارد جناحاتي لو قدروا.
اسابق الرّيح لعالم غير..
ألمّ الوقت,واختصره.
أخوض ف النّور,واعدّي بحور..
وأنسى العتمة,وافتكره.
ولمّا الاقيه, أنادي عليه..
واكرمش جبهتي ف صدره.

كل سنة وانت طيّبة يا مّة..........................

باقولها ف كل لحظة تفوت..
باقولها بسّ من غير صوت..
وباتحدّى الوجع,والموت.....
مهما الحزن شقّ الفوت.......
وأيّام الفراق كتروا.

صبري علي
مارس18