بقلم الشاعر. ...عبدالله السايح
☆☆☆☆☆☆☆☆☆☆☆



،،،،،،،،( فوق صخور الموج )،،،،،،،،،،،
النهار ده بس فوقتي
م الوجع مات الغمام
كنت أبكي . وانت سوقتي
في العناد قبل السلام
كنت لحظة في يوم سألتي
مرة عن حل المنام
ياما قلت انت ساحتي
من ضلوعي إرضعي كل الغرام
إسألي عيونك صراحتي
منها إيه غير الإنتقام
لما حبيتك براحتي
ورسمت أبراج الابتسام
كل يوم عدى جرحتي
كل يوم كان ألف عام
من دموعي يومها بوحتي
إنك القلب الهمام
وان مايهمكشي راحتي
صاحي كنت أو أنام
لما فَرَّحْتِك دبحتي
من غرامك الالتزام
قلت لو غلطان. سامحتي
واحفظي حقك ملام
ما انت عندي كل واحتي
واحتي واخضر الحنان
كنت تحترمي فصاحتي
وتِحَجِمِي بس اللسان
مش كل يوم بيكون مناحتي
وتِشَمِتِي فيا العوام
من سنين أَبْنِي في صارحي
وتبقي ملكة ع الدوام
تنخري لسانك في جارحي
تهدمي كل اللي كان
واسألي الأرض اللي تحتي
لو اتنسى باب الأمان
كل يوم بإيديك طرحتي
الهموم لابسه النيشان
فرحتك لو يوم جرحتي
كل مانقرب أوام
ع الشر ديما زيحتي
دفتك رمت السهام
في بحور البعد روحتي
ترفضي بحور الوئام
النهار ده بس فوقتي
يوم دخلنا في الحطام
فوق صخور الموج ونوحتي
تصرخي فين الانسجام
هو ينفع ياحبيبتي
تحيي ميت مهما بان
تنقذي سفينة حقيقتي
وهي غرقانة بسلام
مهما فوقتي أو صرختي
في القبور مات الكيان
إحلمي بإنك ربحتي
الحياة فيها انعدام
،،،،،،،،،(شعر)،،،،،،،،،
عبد الله السايح