بقلم الشاعر// أحمد عبد الحق
___________


فيها طعم شهد
وطعم مر
وفيها سفر
وفيها نقطه رجوع
ساعة ماتنزل المطر
وفيها توبة بعد الذنوب
وفيها ورقه حاضنه الندي
كل احلامها تبقي شجر
وفيها حياري
وهناك سكاري
بس الشطاره
انك تداري فيك الوجع
مع انك مغروس بالوجع
كلك وجع
اتخلقت من جوا جينات الوجع
كل ما تيجي تفرح
تسرقك لحظه وجع
حتي لماتجرح
تلاقي نفسك بتنجرح
ونفسك من جواك تتوجع
جرب بنفسك تركب شراع
تقسمك لحظة وداع
تملكك نوبة ضياع
جرب توشوش الودع
امر حاجة في الحياه
لما تيجي تنسي وجع
لازم تنساه بالوجع
وعشان تحس بشهد الالم
لازم تدوق طعم الوجع
احمد عبد الحق