بقلم الشاعر// عبدالحميد سالم
_________________


( سوق الغرام ) م/عبالحميد سالم
سوق الغرام جبر
والحب نزلوه ف مزاد
ونادو ألا دونا ألا دوووو
معاك بنكنوت تبقى روميو
تختار جولييت ولا شهرزاد
اللى  60  سنة يبقى المان
وعبلة تقول أهو دا المراد
مهو الغرام يابنى  مصالح
والمادة بتتحكم ف العباد
*******
الحب م يلزموش المشاعر
والغرام مش تسبيل عيون
فارس الأحلام يا شاطر
مهوش واحد زيك كافح وعافر
وهيفضل  50 سنة مديون
الكل بقى بيدور ع المظاهر
ويسيبوا اللى شهادته م السوربون
*****
الفارس بقى اللى عنده الفيلا
ورصيد ف البنك كام مليون
حتى لو كان بيبصم وجاهل
بفلوسه ينول ملكة جمال الكون
ويكمن هيا اللى تيجى تتحايل
على عقد عرفى بدون مأذون

تعليقات

المشاركات الشائعة من هذه المدونة