بقلم الشاعر



عبدالله السايح


،،،،،،،،،،،(ملعون)،،،،،،،،،،،،
ملعون واللعنه بتتوزع
على كل لعين
في قلوب الناس شُغله يمزع
علشان قرشين
وحرامي والناس بتّوَسع
علشان تايهين
والمال العام لما يخَسّع
بيروح على مين
والحلم الضايع في المخدع
مدفون في الطين
وحقوق الخلق اللي بتخلع
في جيوب مجانين
ملعون الظالم لو يشفع
على ظلم سنين
على كل اللي بيقدر يرفع
وسكوته مهين
ملعون كل اللي بيخدع
والدين ناسين
ملعون كل اللي بيقطع
في قلوب صافيين
والطامع  لو لحظة ويطمع
في المصريين
والحق اللي يضيع في الجامع
لعنة ملايين
ملعون العدل اللي مايرجع
لو راح على فين
والشر اللي تملي بيطبع
في قلوب آسين
ملعون الشمع اللي ماينفع
في ظلام  وأنين
أنا عاشق والعشق بيلمع
في جبيني ياست الحلويين
من وجعك انا روحي بتسمع
وبقلمي أترجم سطرين
وسؤالك لو ديما يوسع
ودموعك تنزل وتهين
في كتير م الناس عايش يمزع
وبيهدم والقلب متين
والشر في القلب بيرزع
ويبيع في الطين
ملعون كل اللي ماحبك
ماتقولوا آمين
،،،،،،،،،،(شعر)،،،،،،،،
عبد الله السايح