بقلم الشاعر



رضا الشاعر


مع السلام    ..........
ليه تفارقي وتسبيني ...................عايزه يعني تجرحني
عايزاني اقول حقك عليه ............. وعامله فيها انك ضحيه
لاء خلاص انسي ياحلوه ............ مابقتش اكل م الكلام ده
يعني انتي بتجراحني  ................. وجايه عايزاني اعتزر
اما صحيح امور دلع ............. و انا قلبي منك اصله اتوجع
كان زمان سهل الكلام ده .........ابوس ايديكي اتمني كلمه
كنت زي الخاتم في صبعك .............وجبت كل الدنيا عندك
بعت امي كمان وابويا ................حتي اخويا كرهني منك
هو انتي ايه مابتتعبيش ........فاكره من غيرك مش حعيش
لاء ياحلوه مافيش وسع ...........مابقتش قادر مخي اتلسع
انا نفسي افهم ايه غيرك ............ايه خلي قلبي حيخسرك
دانا كنت ليكي كل المني ......كل الاماني والسعاده والهنا
فاكره ياحلوه اول لقاء ................كان يوم طويل كله عناء
كنت واقف مستني اخويا ..........قال وانتي ماشيه مزغلله
والشمس حاميه مصهلله .......زي القمر لابسه عبايه ملونه
وجيتي عندي بتساليني ............ممكن تقولي الساعه كام
بصيت ورايا لقيتك انتي ..............سبحان ربي ما اعظمك
جمال خيال زي الغزال ..............نساني حتي انا جي ليه
ذكره وضحكه وكلمه حلوه ... ......عرفت اني هدفك ياحلوه
ومن ساعتها وانت معايا...........ونسيتي انتي كل الحكايه
دلوقتي جايه تخيرني ............ياكون معاكي واسيب ابويا
لاء ياحلوه مع السلامه .......ياله امشي روحي بلاش قيامه
علي ايه دا كله النفخه دي  ........فاكره ابوكي سلام يابيه
بس الحقيقه دا كله مني ..............انا  عملتك غصب عني
سيبتك تقولي والحكم ليكي .......اصلي كنت خايف عليكي
خايف اعيش من غيرك انتي ......خايف وخوفي منك حببتي
بس خلاص صحيت لنفسي ........عرفت اني راجل ونفسي
اعيش حياتي زي الرجال .........اشخط وانطر والكل يسمع
وارجع وقولك ياله ارحلي ........بس انتي مش راح تقدري
تجي لبيتي وتكوني فيه ......عارفه ليه لانك عايزه تحكميه
خلاص ياحلوه خلص الكلام .......انا مش فاضيلك ياله سلام