بقلم الشاعر


رضا الشاعر


حال الغلابه    .............
اسمع ياصاحبي وشوف كمان حال الغلابه .
كلام بيوجع بس الفقير .ماهو اصلنا عايشين في غابه .
يعمل ايه انسان فقير مش لاقي حتي تمن الدوا .
خلاص يموت احسن يموت واهو منه حيوفر هوا .
يااااه ياصاحبي ولسه ياما اسمع كمان حقولك ايه .
راجل فقير يدوب يوميه تيجي يومين والباقي عاطل .
مطلوب يسدد فلوس لمايه وكمان لنور غير العيال .
عايزين قلام وكمان دروس غير الكتب حتي المرايل .
طيب حتعمل ايه اليوميه قولي ياصاحبي انت الي ليه .
حتي الي كان رخيص زمان لقيته غالي طب اعمل ايه .
حال الغلابه دا حال يشيب والدنيا غابه ايوه انت طيب .
احنا بقينا في زمن الفلوس زمن المظاهر ليها الحساب .
معاك فلوس تملك نفوس من غير فلوس عليك ندوس .
عايشنها ليه تقدر تقولي اقولك اني خايف عليك .
احنا ياصاحبي زي الناموس مالناش مكان فوق في النضافه .
مكان زباله وناس حساله وفيه السائله لها قاموس .
نقدر نقرب من الي فوق نلاقي روحنا لكلبهم غموس .
ياعم اسمع سيبك خلاص حتي الكلام ملهوش اساس .
ايوه صحيح اسمع كلام لو حد سمعك حيقول حرامي .
ياصاحبي دنيا مالهاش امان دا ممكن يقولو صابه الجنان .
خليك تعيش مابين عيالك احسن ياصاحبي ماتلاقي حالك .
وهو ده حال الغلابه عايشين في غابه مافهاش طيابه .
لاكن دي سكنها الديابه اما الغلابه دول الناموس .
بالله عليك ده يرضي مين دا حالنا فيها ذي الجاموس .